Gerum veturinn hlýlegri
L'Occitane X Ljósið
Góðgerðarverkefni L'Occitane til styrktar Ljósinu. Lopastúkurnar eru prjónaðar af íslenskum handverkskonum úr afgangsgarni frá Tinnu prjónaverslun. 1500 krónur af hverri vöru í lopastúku renna í ár til Ljóssins.
Um Ljósið
Ljósið er endurhæfingar- og stuðningsmiðstöð fyrir fólk sem hefur fengið krabbamein og aðstandendur þeirra. Markmið Ljóssins er að fólk fái sérhæfða endurhæfingu- og stuðning, þar sem fagfólk aðstoðar við að byggja upp líkamlegt og andlegt þrek
Tinna Prjónaverslun
Tinna var stofnuð 1981 og sérhæfir sig í sölu og þjónustu á hannyrðavörum og útgáfustarfsemi. Tinna hefur gefið út fjöldann allan af prjónablöðum, s.s. Prjónablaðið Ýr og Ungabarnablöð ásamt prjónablaðinu TINNA sem öll hafa notið mikilla vinsælda í gegnum árin.
Hönnuður
Kristjana Björk eigandi www.hringlandi.is hannaði stúkurnar í ár. Kristjana er kennari að mennt og hefur mikla reynslu af hannyrðum. Munstrið er innblásið af merki Ljóssins. Kristjana greindist nýverið með brjóstakrabbamein og stofnaði í kjölfarið Litlu brjóstabúðina.